நயினாதீவு கடற்பரப்பில் இந்திய மீனவர்களை தாக்கினர் தென்னிலங்கை மீனவர்கள்!

நயினாதீவுக் கடற்பரப்பில் மீன்பிடியில் ஈடுபட்டுக் கொண்டிருந்த இந்திய மீனவர்களை அங்கு கடற்றொழிலில் ஈடுபட்டுக் கொண்டிருந்த அதன்னிலங்கை மீனவர்கள் தாக்குதல் நடாத்தி இரு இந்திய மீனவர்களை கைது செய்து கடற்படையிடம் ஒப்படைத்தனர்.
இது குறித்து மேலும் தெரியவருவதாவது, யாழ் தீவகம் நயினாதீவு கடல் எல்லைப் பகுதியில் கடற்றொழிலில் ஈடுபட்டுக் கொண்டடிருந்த ஒரு படகில் 4 பேர் அடங்கிய இந்திய மீனவர்களை, பிறி தொரு பகுதயில் கடற்றொழிலில் ஈடுபட்டுக் கொண்டடிருந்த தென்இலங்கையை சேர்ந்த மீனவர்கள், இந்திய மீனவர்களை கடுமையாக தாக்கி விட்டு இரண்டு மீனவர்களை கைது செய்து நயினாதீவு கடற்படையினரிடம் ஒப்படைத்தனர். இதன் போது ஒப்படைப்பதற்காக வந்த தென்இலங்கை மீனவர்களையும் கடற்படையினர் கைது செய்து ஊர்காவற்துறை பொலிசாரிடம் ஒப்படைத்துள்ளனர்.
கைது செய்யப்பட்ட இரண்டு இந்திய மீனவர்களும் இரண்டு தென்இலங்கை மீனவர்களும் இன்று வெள்ளிக்கிழமை ஊர்காவற்துறை நீதிமன்றில் பொலிசாரால் முற்படுத்தப்படவுள்ளனர்.