உலகத் தமிழாராய்ச்சி மாநாட்டில் மரணித்தவர்களை நினைவு கூரும் நிகழ்வு இன்று காலை நடைபெற்றது. யாழ். நகரில் வீரசிங்கம் மண்டபத்துக்கு முன்னால் உள்ள நினைவுத் தூபிக்கு மலர் மாலையிட்டு அவர்களை நினைவு கூர்ந்ததுடன் அவர்களது ஆத்ம சாந்திக்காகவும் அஞ்சலி செலுத்தினர்.1974ம் ஆண்டு ஜனவரி 10ம் திகதி வீரசிங்கம் மண்டபத்தில் நடைபெற்ற உலகத் தமிழாராய்ச்சி மாநாட்டின் போது சிறிலங்கா பொலிஸாரின் அராஜகத்தினால் படுகொலையாகிய புளியங்கூடலை சேர்ந்த தில்லைநாதன் உட்பட்ட 10 பேரையும் மனதில் நிறுத்தி இந்த நிகழ்வு நடைபெறுகிறது.
இந்த நிகழ்வில் தமிழ் தேசியக் கூட்டமைப்பின் நாடாளுமன்ற உறுப்பினர்களான மாவை சேனாதிராசா, சிறீதரன், தமிழ் தேசியக் கூட்டமைப்பின் முன்னாள் நாடாளுமன்ற உறுப்பினர் சிவாஜிலிங்கம்,புளொட்
அமைப்பின் தலைவர் சித்தார்த்தன், யாழ். மவட்ட பிரதேச சபை தலைவர்கள் மற்றும் தமிழரசுக் கட்சி ஆதரவாளர்கள் என பலர் கலந்து கொண்டனர்.படுகொலை செய்யப்பட்டு 38வருடங்கள் கடந்தும் இன்றுவரை தமிழ் மக்களால் நினைவு கூறப்பட்டு வருகின்றமை குறிப்பிடத்தக்கது. அந்த தியாகிகளுக்கு புளியங்கூடல்.கொம் தனது வீரவணக்கத்தை செலுத்திக்கொள்கிறது.
கருத்துகள் இல்லை:
கருத்துரையிடுக
குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.