யாழ்ப்பாணம் வைமன் வீதியிலுள்ள வீடொன்றில் பதுங்கியிருந்தார் இராணுவச் சிப்பாய் ஒருவர். அவரை மடக்கி பிடித்தனர் பொதுமக்கள். பின்னர் அவர் பொலிஸில் ஒப்படைக்கப்பட்டார்.தகவல் அறிந்து பொலிஸ் நிலையத்துக்கு விரைந்தனர் விசேட பாதுகாப்பு படையினர். அவரைத் தாங்கள் விசாரிப்பதாக கூறி அழைத்துச் சென்றனர்.கடந்த சில தினங்களுக்கு முன் இந்தச் சம்பவம் நடந்துள்ளது.
மாலை 6 மணியளவில் குறித்த நபர் சிவில் உடையில் வைமன் வீதியிலுள்ள வீட்டில் புகுந்து பதுங்கிக் கொண்டார்.பின்னர் அந்த வீட்டின் கதவினூடாக அடிக்கடி வீட்டினுள்ளே எட்டிப் பார்த்தபடி இருந்துள்ளார்.நேரம் செல்ல வீட்டின் கதவு மூடப்பட்டு விட்டது. வீட்டுக்காரர் இரவாகி விட்டதால் வெளியே வரவில்லை.
இந்த நபரின் நடவடிக்கையை அவதானித்த அயல் வீட்டுக்காரர் அவரைத் தொடர்ந்து நோட்டமிட்டார். அவர் திருட்டு முயற்சிக்காக காத்திருக்கிறார் என்பது தெரியவரவே அவரை மடக்க அண்மித்த போது அந்த நபர் வீதி வழியே தலை தெறிக்க ஓடினார். இது குறித்து அப்பகுதி இளைஞர்களுக்கு ஏற்கனவே தகவல் வழங்கப்பட்டிருந்தது. அதை அடுத்து அவர்கள் வீதிகளைச் சுற்றி வளைத்தனர்.சிக்கிக் கொண்டார் அந்த நபர். அப்போது அந்த நபர் தான் இராணுவச் சிப்பாய் என்று கூறி மன்றாடிக் கொண்டார்.
இதுபற்றி யாழ் பொலிசாருக்கு அறிவிக்கப்பட்டதை அடுத்து சம்பவ இடத்துக்கு விரைந்த பொலிசார் சிவில் உடையில் நின்ற சிப்பாயை கைது செய்த கூட்டிச்சென்றனர். இதுபற்றி அறிந்த விசேட பாதுகாப்பு படையினர் அவரைத் தாம் விசாரிப்பதாக கூறி அழைத்துச் சென்றனர்.
கருத்துகள் இல்லை:
கருத்துரையிடுக
குறிப்பு: இந்த வலைப்பதிவின் உறுப்பினர் மட்டுமே ஒரு கருத்துரையை வெளியிடக்கூடும்.